Ee Mënsch, dee schonn e puermol ëmbruecht gouf, erwächt
aus dem Koma a probéiert mat Hëllef vun Extraiten aus sengen
ënner Pseudonym publizéierte Bicher seng Biografie nees
zesummen ze pechen. Dobäi stéisst en op laang vergiesse
Kandheetserënnerungen, grotesk Schauspilllektiounen, seng
Léift zu senger Fra, déi net méi seng Fra ass an al Bekannten,
déi korrupt Spillercher dreiwen. En erënnert sech u Saachen,
déi en net dierft wëssen an un Dokumenter, déi en net dierft
gehat hunn an déi en dohi bruecht hunn, wou en elo ass ...
Dem Nico Helminger säin Erzielwierk léisst déif an d’Ofgrënn
vun der Gesellschaft blécken, a weist, dass keng Fiktioun esou
grotesk ka sinn ewéi d’Realitéit selwer.