Den Henri Losch mécht nees seng Schatzkëscht vun den Erënnerungen op a féiert de Liesermat sengem neiste Buch Sympathesch Kauzen an d´Vergaangenheet. Dës Kéier neta seng eegen, mee an déi vu Personnagen, déi him a sengem Liewe begéint sinn an Androckhannerlooss hunn.Et si charmant an humorvoll Erzielungen, deels fiktiver, deels reeller, vu Personnagen, déi denHenri Losch bei sengen Aventuren uechtert d´Land an an déi wäit Welt impressionnéiert hunn.Et si Leit, déi aus der Rei danzen; eng liicht getuckte Matti, e wënnerleche Legionär,e pensionéierte Valet-de-chambre vu Paräis, en iwwerzeegte Spuenienkämpfer, an nachan nach, vun deenen déi drolegste Saachen erzielt gi sinn, méi oder manner wouerer.Deenen hir Geschicht erzielt de Schreiwer, sicht no, an entdeckt bei deene meeschten endrolege Kauz. Et sinn der derbäi, déi wierklech sympathesch sinn, déi een un d´Laachebrénge kënnen, engem leed kënnen dinn, déi engem d´Häerz méi waarm kënne maachen,jo, souguer d´Tréine kënne lafen dinn.Net alles ass wouer, wat iwwert se geschriwwe gëtt, munches ass dobäi gedicht,mee all Geschicht huet hir ganz eege Wourecht.
D'Sëtzung leeft of
D'Sëtzung leeft elo geschwënn of.